Teaser

"Kaya kong tiisin ang lahat, basta tungkol sa 'yo."

Simpleng babae lang si Gabbe kaya ang mapansin ni Prince Raymundo ay isang dream come true na para sa kanya. He was the campus prince and the campus MVP. At bukod sa pagpansin nito sa kanya ay may bonus pa. Inalok siya nitong maging girlfriend. Iyon nga lang, pretend girlfriend—para magselos at bumalik uli ang dati nitong nobya.

Tinanggap ni Gabbe ang alok ni Prince kahit alam na niya ang consequences niyon. Maaaring mahulog ang loob niya sa binata at hindi siya nito masalo. Kaya pinilit niyang pigilan ang kanyang nararamdaman. Pero si Prince na ang nagbigay ng dahilan para mahulog siyang lalo rito―ang pakiligin siya, ang sincerity sa kanya, at tila mas inaasikaso na siya kaysa sa dati nitong nobya.

Pero nabalitaan na lang niya na nagkabalikan na si Prince at ang dati nitong nobya. At nagpagtanto niya na hindi pala sapat ang pagpaparamdam lang. Kaya nga, never assume unless it is stated. Ngunit nagbago ang lahat nang bigla na lang sabihin ni Prince ang mga salitang nagpakabog sa kanyang puso.