Teaser

Bukod sa pitong taon na nawala kay Aurora nang ma-comatose siya, nawala rin ang tatlong taon sa alaala niya. Gayunman, hindi niya ikinalulungkot iyon. Wala naman kasing halos ipinagbago ang buhay na mayroon siya noon sa buhay na mayroon siya ngayon. Isama pa na sa paggising niya, pakiramdam niya ay namuhay siya sa isang fairy tale. Pinaniniwalaan niyang ang dahilan kung bakit siya nagising mula sa coma ay dahil sa halik ng nurse na nag-alaga sa kanya—si Dylan. She believed that he was the Prince Charming that woke up the princess from her almost endless sleep.

All seemed so well until she saw a guy from her room's terrace. Nangangabayo ang lalaki, tila isang prinsipeng naligaw na hinahanap ang prinsesa nito. Ngumiti ito at kinawayan pa siya.

Nagulo ang damdamin ni Aurora dahil matindi ang naramdaman niyang damdamin sa estranghero kaysa sa naramdaman niya para kay Dylan. Lalo pa siyang naguluhan nang malaman niya ang pangalan ng lalaki.

It was Phillip.

Hindi ba't ito dapat ang prinsipe sa fairy tale niya? Sa Sleeping Beauty, si Aurora ay ginising ng halik ni Prince Phillip. Pero bakit isang prinsipe mula sa isang unknown kingdom ang alam niyang humalik sa kanya?